طرق تمليح الفسيخ والسردين

طريقة التمليح

إحضار اى كمية من السمك البورى ( الفسيخ ) والبورى هذا اسمة بالاسواق السمكية فى مصر

ملح خشن >> وهذ ضرورى ميكنش ناعم خشن
اللى بيستخدموة بالمخللات

لازم لما تجيبى السمك البورى للتفسيخ ميكنش السمك اتحط فى الثلج قبل كدة و لا اتحط فوقة ثلج والا مش حينفع يتفسخ

الطريقة

تجيبى السمك وتحطية زى ما هو فى مصفاة و تغطيه بشاشة تحمية من الذباب وعلشان الشمس تدخله وتحطية فى الشمس لمدة يومان كاملين او لحد ما تلاقية ورم واتنفخ تماما وحتلاحظى انه نزل المياة والدم بتوعه تماما او تحطية بكيس كذا يوم بالمطبخ وغلقى الكيس اوى مش لازم شمس لو مفيش شمس عندك
ثممممممم

تشيليه و تجيبى الملح الخشن وتبتدى تحشى بيه كويس الخياشيم بتاعة السمك و تجيبى الملح و تمشى بايدك على السمكة من تحت من عند الزيل لفوق عند الراس
>>>هذا اسمة ضغط على السمكة علشان ينزل الدم الفاسد منها
وطبعا يفضل عمل هذا قبل وضع الملح بكل سمكة
وتدخلى الملح كويس بين القشور بتاعته تماما
>>> وعلى حسبة رغبتك فية حادق اوووى
او هادى التمليح مذاقة هادى
تضعى الملح بالنظر والتقدير بالعين

وتشيلى السمك فى علبه
>> وللحماية من بكتريا العلب الصفيح اوتأثير الزجاج علية
يفضل وضعة بكيس شفاف ابيض خامة كويسة
وغلق الكيس كويس
بحيث ما يدخلوش هواء تماما بعد الانتهاء من الرص
وتقلبى الكيس كل يومين يعنى تخلى تحت يبقى فوق وفوق يبقى تحت كل كام يوم علشان لو سيبناه كده السمك اللى فى اول رصه حيبقى مملح اوى
وترصيه بجانب بعضة راس وزيل وبعدين ترشى ملح علية كويس وترصصى برضة السمك راس وزيل يعنى خلف خلاف وترشى ملح على وشة كويس وبعدين تغطيه كويس قوى و تربطي بحيث ما يدخلوش هواء تماما او تلفية فى قطع قماش كتيرة تماما وتحطية فى اى مكان بعيد عن الهواء المباشر تحت اى مكان بالمطبخ
انشالة حتى بفرن البوتاجاز
لمدة 10 ايام او 12 يوم وبعدها يكون الفسيخ جاهز
ملاحظة هامة جدااااااااا
الناس اللى هاتقول
احنا مش عايزين نعرضة للشمس
كذا يوم متل الفسخانية
وعايزين نملحة طبيعى شغل ستات بيووووت
اوكى فى فرق واااااحد بس
وهو انك اول ماتشترى الفسيخ تملحية على طوووووول
وبنفس الطريقة المذكورة
بس مدة التمليح مش هاتكون 12 يوم بس
لاء طبعا هاتطول شويتين تقريبا
شهر متواصل
مع وضع كمية زيت بسيطة على وجهو قبل غلق الكيس
وبين كل رصة ورصة
وبسسسسسسسسسس

===============================

طريقة تمليح السردين

السردين بقى بيتملح علطول يعنى لا محتاج تسيبيه بره ولا اى حاجه يادوب ترصيه فى علبه وبين كل رصه سردين والتانيه بترشى ملح خشن >>>
خالى بالك من كمية الملح
لانة بيستوى بسرررررعة
ويادوب اسبوع بالكتيرررر
حسب حجم السردينة
وسماكتها طازة ومتماسكة ولا طرية شويتين

التحضير

نحضر السردين الطازج تماما وليس بة ماء . ( من شروط نجاح تمليح السردين ان يكون طازج تماما وبدون غسيل والوعاء محكم الغطاء ليس بة هواء )

طريقة التجهيز

نحضر برطمان او علبة على ان يكون لها غطاء محكم . - وايضا نحضر كيس نايلون ونضعة داخل البرطمان او العلبة وترص فية السردين كذلك - راق سردين ثم ملح كاف : للتغطية وتكرر العملية حتى تنتهى كمية السردين المطلوبة. - يرص على الوجة ملح وبة قليل من الشطة ويغلق الكيس تماما ويغلق ايضا الوعاء الذى بة ويكون محكم الغطاء تماما ولا يتخللة اى هواء . - يترك لمدة اسبوع او اكثر حتى يملح .

وبالهناء والشفاء

منقول بمناسبة اقتراب شم النسيم - كل سنه وجميعكم بخير وبصحة جيدة
تحيــــــــــــــــــــــــــــــــــــاتي

اللللللللللللللللللللللله


دي افضل اكله عندي يا سلام لو تعملنا اكلة زي دي وتعزمنا عليها بعد العيد تبقي مشكووووووووووووور


ميرسي ليك ستيفن

يا سلام يا اخت دن دن - علشان خاطرك انا اجيب احلى فسيخ واحلى ملوحه لانه هيكون عيد عند زوجتي واولادي لانهم يحبون مثل هذه الاكلات جدا - لكنني امنع دخول مثل هذه اكلات الى المنزل بسبب انني لا اطيق رائحتها التي تشعرني انني اعيش مع الننجا ومفيش داعي اكمل الكلام - ولو سمعتك زوجتي هتعمل معاكي حزب ضدي وطبعا العيد داخل وده مش في مصلحتي.............. كل سنه وانتم جميعا طيبون.

هههههههه


وانا مصرة اني اتعزم عندك يا ستيفن


ومن فضلك بلغ تحياتي لزوجتك وتحياتي لكل محبي الفسيخ والملوحة

خلاص انا موافق - وهنعمل لكم رابطه كمان.
وسوف انقل سلامك بعد العيد ان شاء الله.

يسلام انا بحب الاكلة دى مووووووووووووت بس المشكلة لو احنا عملنا كده فى البيت عندنا حنلاقة ضابط بوليس جه يقبض علينا لان ريحة السمك اللى ليه يومين من بره حتبقى فظيعة مفيش طريقة سهلة كده زى السرديسن يعنى نعمل الفسيخ زى السردين ويستوى برحته بدل البهدلة دى وكمان لو خليته فوق السطوح حلاقى القطط بتاعة المنطقة بتعتنا والمناطق اللى حولينا يعملو عزومة على السمك البورى قبل ميبقى فسيخ ياريت تجاوبنى وشكرا ليك

ممكن حضرتك تعملي الفسيخ في البيت - وتشوفولكم حته تانية تقعدوا فيها.

ههههه
ميرسى على الطريقة

اشكرك ستيفن على الطريقة الرب يباركك
وكل سنة وانت بألف خير

ميرسى على الطريقة

ربنا يباركك