اكيد طبعا يا جماعه انتم اتعرفتوا علي بنات في الجامعه انواعهم كتيييييييير وطبعا انا هنا مش هعرف اقول كله بس دى بعض الانواع :
الاول :::1:::
البنات الرغايه

دى بأه اعوذ بالله منها
وياسلام بأه لو انت فى جامعه بعيده وروحت معاك واحده منهم
بتاكل دماغك
وبتفضل من اول مابتركب من محطه الجامعه لحد ماتنزل بعد 50 او 60 محطه كده ترغي
ولو يوم فكرت تتصل بيها تسلم ولاحاجه قول لرصيد موبايلك باى باى
والمشكله ان النوع ده مابيبانش عليه اوى
يعنى ممكن تلاقيها فى حالها جدا ومابتكلمش حد
وفجأه اول ماتتعرف عليك تشتغلك كلام .
التاني:::2:::
الممثله

دى بأه ماقولكش
تلاقيها فى البيت بشكل وفى الجامعه بشكل
اول ماتتصل بيها مامتها فى الجامعه تقولها ازيك يامامى ياحبيبة قلبى واحشانى مووت
وتلاقيها فى البيت لما مامتها بتندهلها بتنفضلها
واما تقابلك فى يوم
تقولك ازيك ياندل بأه كده مابتتصلش ولا بتسأل واحشنى كلام زمان وقعدة زمان>>على اساس اننا كنا مقطعين الدنيا خروج مع بعض يعنى
وهى اول مابتيجى سيرتك اساسا بتقعد تطلع فيك القطط الفاطسه

الثالثه:::3:::

اللى بتضحك علطول

دى بأه مااقولكش عالمسخره اللى بتحصل لما تتكلم معاها
بتضحك بمعدل 60 ضحكه فى الدقيقه
حتى لو قولتلها اليوم ده خنيئ كده ليه تضحك وتقولك اه فعلا خنيئ >>>وحياة ربنا ده انتى اللى خنيئه
لا والمصيبه انك مابتعرفش تسكتها
وتلاقي حظك اسود بأه لو قولتلها حاجه بتضحك بجد
هتخلى الجامعه كلها بتتفرج عليكوا
ولو هى حست انك مخنوق منها مثلا تقعد كل شويه تبصلك وتضحك>>ايه العبيطه دى
الرابعه:::4:::
التنكه

بعيد عنكوا بأه انا بكرهه البنت التنكه دى مووت
اول ماتيجى تكلمها تحس وكأنك بتكلم مارلين مونرو مثلا
وياسلام بأه لو جيت تتعرف عليها
تحس انك داخل تحارب
عايز تعمل خطه هجوم ماحصلتش عشان النوع ده ماينفعش معاهم اى دخله


الخامسه بقي::::5::::
ام دمعه


دى بقي بجد اللى بتبقي لما بتعيط انت بتبقي عايز تضحك عليها
لو قولتلها بخ هتعيطلك
كنت مره باكلم واحده منهم
وبعدين كنا بنتكلم على دكتور بتدرسلنا
وبعدين بتقولى ده دكتور غبيه اوى
قلتلها مانتى فيكى شبهه منها
مش هقولكم علي كميه العياط
لا واصحابها يسألوها فى ايه؟>>وانا عاملة نفسى عبيطة واقولهم مش عارفة فجأه كده لقيتها بتعيط.

السادسه:::6:::
الكدابه

تقعد تقولك كنت راكبه عربية بابى امبارح وكنت ماشيه فى شارع جامعه الدول وكان فاضى ساعتها مش عارف ازاي طبعا
شارع جامعه الدول فاضى
المهم وبعدين؟
المهم راح واحد مغلس عليا بعربيته روحت جاريه وراه وراحت العربيه لافه منى فى وسط الشارع روحت دايسه فرامل بسرعه لولا كده كنت عديت الرصيف التانى
فيلم هنــــــــــــــدى
ولاتقولك اما انا كنت فى حفله امبارح انما ايـــــه
وكانت معموله فى شيراتون المطار
وقعدنا نرقص للصبح
وهى تلائيها نامت من الساعه 9

السابعه:::7::::
الدلوعه

المشكله فى النوع ده بأه انه بيبان عليهم التصنع جدا
يعنى بتقعد ترفع فى صوتها لدرجه انه ساعات بيطلع مسرسع >>عامل زى صوت سرينه البوليس كده يعنى
وتقولك اناكنت امبارح فى سيتى ستارز ولئيت فستان ياىىىىى
يجنن
ولما تشوفك متنرفز من موقف معين تقولك انا ماكنتش اعرف انك عصبى للدرجه دى وتقولها بطريقه عجيبه وممكن تموتك بالسكته ساعتها


محدش ياخد الموضوع بحساسية يا بنات اكيد طبعا مش كل البنات كده فى الكويس وفى الوحش ..:36_1_11:
واكيد فى اولاد كده كتييير برضو مش كله على البنات بس
:36_11_6: :36_11_6:

ههههههههههههههههههههههههه

ماااااااشى يا مرمر

هههههههههههه
ميرسى يا عسولة على المرور

هههههههههههههههههههههههههههه
ايوة كدا اكشفى الحقيقة يا مرمر

هههههههههههههههههههههههههههه
ايوة كدا اكشفى الحقيقة يا مرمر

ههههههههههههههههههه
اى خدمة يا كيروو
ميرسى على مرورك

ولو هى حست انك مخنوق منها مثلا تقعد كل شويه تبصلك وتضحك>>ايه العبيطه دى
هههههههههههههههههههههههههه ميرسى