انا بحب فتاة من اكثر سنة ونصف وكانوا اهلها كلهم مرحبين معادا واحد من هؤلاء الاخوة اعترض على سكنى وحدثت احداث كثيرة وكلما بعدنا جمعتنا الصدفة هى من محافظة وانا من اخرى ومال لها قلبى وامتلكتة لكن تاتى الرياح بما لاتشتهى السفن الوالد ينتقل والاخ يزيد من سيطرتة وانا ولا البنت ليس لنا القدرة على الفراق وكذلك ممنوع علينا الارتباط والسبب انة وصل لعلم الام انى على معرفة بالفتاة وهى لاتدرى ودى كارثة بالنسبة لها. ونحتاج لمعجزة لحل المعطلات فصلوا من اجلى انا تحملت كثيرا من العذاب واهانات التاس ان كانوا اهلها او اهلى اللى مش عارفين سبب او مبرر لعدم ارتباطى حتى الان وانا طلبت منها انها تدخل اب اعترافها وبالفعل تدخل لكن كان سلبى بمجرد ان اخيها قله انة مش موافق على بلدى لانها بعيدة عن بلدهم ساعة بداخل السيارة وانة مش هينفع يخلى امة فى بلد واختة فى بلد والاهم هو بيعمل فى بلد عربى وكدا هيكون فى قلق عليهم فمأ كان من اب اعترافها الا انة انسحب وقال لها يابنتى دى امور شخصية وانا مينفعش ادخل فيها صلى وربنا يحل الموضوع
منتهى السلبية ؟؟؟؟؟؟؟؟

وانا بحب البنت دى قوى لدرجة انى فكرت اسافر للعمل بهذة الدولة اللى اخيها بيعمل فيها حتى اتقرب منة واطلب يدها من تانى لكن مفيش فايدة كل مرة تحصل مشاكل وانا فى دوخة ومش قادر انسى دى واشوف غيرها خوفا من انى اظلم غيرها معى لانى انسجمت مع البنت دى


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي

متعولش الهم ومتخافش ربنا موجود
لكن اقولك بردو صلى وفكر يمكن البنت فى الاخر متكونش نصيبك وربنا بيبعدك عنها
انا اسفة اذا كان كلامى فية جرح عليك ......... وداة اكيد
بس انت قول ياااااااااااارب افعل ما فىة الخير
ويارب يرحمنا كلنا ويستر ضعفنا

بص ياسيدى مدام بتحبك وبتحبها

يبقى المفروض ان الحب يتحدى الصعاب

وصدقنى ماضاقت الا وفرجت

صلى وياريت كمان هى تصلى وربنا معاك

ويحل لك المشكلة دى حاول مرة واتنين مع اخوها تانى

وشوف اب اعتراف اخواها اكيد ليه تاثير عليه

او دخل حد قريب من العايلة المهم دافع عن حبك
مدام شاريها وعايزها

وربنا يوفقك

صدقنى منتزعلش وسيبة على ربنا
ويكمن يكون دة فى مصلحتك
وانت متعرفش مشيئة ربنا
وصدقنى مهما حصل وليك نصيب معاة
هتكون
الذى جمعة اللة لا يفرقة انسان

المهم انكم تصلوا من اجلى وربنا وعد انة كل ماتطلبوه فى صلواتكم مؤمنين تنالوة وانا مش قادر استحمل الحرمان فصلوا من اجل ضعفى انا الشقى المحتاج لصلواتكم فعلا وان ماأجتمع اثنين او ثلاثةة باسمى اكون فى الوسط وهو قادر ان يغير قلوبهم

+ ربنا يكون معاك ويرتب لك الخير انت والانسانة اللى من نصيبك ويفرحك بصلوات امنا العدرا مريم والشهيد العظيم مارجرجس الرومانى وجميع مصاف الشهدا والقديسين والاباء السواح الابرار :00020154:

موضوع جميل جداااااااااااا ميرسى

اخى انا حقولك كلمة من الأخر لو عايزين بعض انتو التنين ولا فية واحد حيفرئكم عن بعض

وحكاية انت فى بلد وهيا فى بلد دى حاجة لتعطيل الجوازة والأرتباط بينكم

واى واحد بيتجوز وتجيلة هجرة بسيافر ولو حتى فى البلد ممكن بعد ما يتجوز ينقل لبلد تانية ولا واحد يقدر يتكلم لأنها

بتكون فى عصمة الرجل وزوجتة فقط

وربنا معاك ولو نصيبك حتاخدة غصب عن الكل

دخل ربنا قبل اي حد وهو اكيد هيزيل كل العقبات اللي بتقابلكم

ومتنساش في الاول والاخر ارادة الله الصالحة لنا


يعني دايما قول لتكن ارادتك يارب مش ارادتي انا

ربنا يفرح قلبك اخي ويطمنا عليك

ربنا ممعاك

صلوات العدرا والقديسين تكون معاكم
سيبها على ربنا وهو هيتصرف
ربنا يوفقكم

ربنا يوفقك لما فيه خيرك

شكرا جدا اخواتى الاحباء فى المسيح وعلى اهتمامكم بموضوعى واطلب منكم ان لاتنسونى فى صلواتكم وربنا يتمجد معى ببركة وشفاعة ام النور العذراء مريم وكل مصاف قديسية وببركة صلواتكم وربنا يعوض تعب محبتكم ويكون معاكم مايكون عليكم

يبقى طمنا عليك
موضوعك بصراحة متعب اوى
ربنا معاك

طيب انا فكرت اسافر الكويت اشتغل هناك وقلت ممكن اخوها يقتنع بى لما يعرفنى ويرتاح لى او ممكن يولفق انى اتجوز اختة وتعيش معى بالكويت وكانت البنت فى الاول موافقة خالص على الموضوع دة لكن من فترة بسيطة وقفت ضدى فى الفكرة دى وقالت انها خايفة يحسن اتعب هناك او ان اخوها ميوافقش فتحصل لى حاجة وتكون هى السبب وتشيل ذنبى وقالت افضل من كدة ادخل كاهن مرة اخرى وازورهم زيارة مفاجأة للبيت دون إذن بس اكون عاطيها هى فكرة عشان تستعد وبعد كدة امها ممكن تاثر على اخوها ومفيش يومين حاولت تجس نبض والدتها فصدمتها برفضها النهائى لى فما العمل انا تعبت قوى ومش قادر افكر ولا اخد قرار

شكرا لكم جدا وانا الحمدلله بدأت الامور بتاعتى تستقر ربنا بدأيعمل فى حياتى فى الوقت الحسن فانا اسرتى تمر بأذمة مالية وقبل ما الازمة تبدأ كتن ربنا مدبر عملى فى الكويت واتعينت فشركة كبرى فى مجال الشبكات ونظم المعلومات وبمرتب يساعدنى اكون نفسى وباقى ربنا يسهل الطريق كى ارتبط بالانسانة اللى ربنا جعلها سبب لتحريك مجرى حياتى
ولتكن ارادة ربنا أذكرونى فى صلواتكم

ربنا معاك انا مريت بظروف اصعب من كدة فى حبى ولكن على مين دا ربنا اللى بنستنجد بيه حلها وانا دلوقتى مخطوبه للانسان اللى كنت بحبو 6 سنين وهنتجوز قريب
عايزة اقولك متيأسش متيأسش خلى عندك رجاء ان ربنا هيحلها زى ما حل مشكلتى

بص يا سيدي احنا نصلي ربنا يعمل اللي فيه الخير
بمعني لو ربنا شايف انكم ثصلحوا للحياه مع بعض هيدبر الامور كلها
ولو ربنا مش رايد ارضي بإرادته وقول لتكن مشيئته
صلي كتيييييييييييييييييييييييييييييييييييييييييييييييي يير وربنا هيرشدك
وكل حاجه قسمه ونصيب

ربنا معاك بشفاعه العذراء مريم والقديسين

+++ بدونى لا تقدرون أن تفعلوا شيئا +++
أطلب ربنا وقوله " يارب أنت عارف أنا بحب الانسانة دى قد ايه ، وشايف يارب انا تعبت علشانها قد ايه ، ودلوقتى يارب الكل وقف ضدى ، وأنا يارب ضعيف ، ومش عارف هل الصعاب اللى قدامى دى من عندك ولا من حقد البشر ، ياريتك يارب تفتح ذهنى علشان أفهم مشيئتك ، تدخل أنت يارب أنا عجزت ومش قادر أعمل أى حاجة بدونك ، محتاج ليك يارب يسوع لا تتركنى وحدى ولتكن مشيئتك . آمين " . ربنا يرشدك للخير والصالح ليك ، ويسعدك ويهنيك .

ربنا معاك اهم حاجة تصلى كتير انت وحبيبتك علشان تعرفوا مشيئة ربنا ايه صلى وقوله ((يا رب انا محتاج اعرف مشيئتك انت هل انت موافق من فضلك يارب انت عارف اد ايه احنا بنحب بعض ارشدنى ارجوك انا محتار ومش عارف اعمل حاجه بس انا اللى يهمنى بركتك انت وموافقتك على الموضوع..من فضلك يارب وافق على اللى احنا اخترناه)) وصدقنى ربنا هيرشدك ويعرفك ارادته وصدقنى هيكون حنين عليك انا متاكده عشان ده عن تجربه ...و لو عرفت ان ربنا موافق يبقى متقلقش من حاجه ابدا((ان كان الله معنا فمن علينا))