جت لي فكرة وهي
في أحياناً كتير بتحصل مشكلة فيوقت لا يحتمل اي مشاكل
مش فاهمين
الموضوع وما فيه عن ما قبل الزواج
ماذا تفعل لو
لو كنت انت في المشكلة ديه وكل فترة نعرض مشكلة ونعرضها للنقاش
الموضوع جد ومش هزار
أول موضوع
الصدمة الكبري
لما تكون بتحب خطيبتك جداً جداً وأكملتوا مع بعض كل شئ
عشتوا الحلو والمر واجهتوا كل المشاكل مع بعض وتصديتوا لأغلبها
وها هو اليوم يوم الزفاف السعيد بعد تعب تكوين وتجميع الشقة
ذهب هو الي الحلاق لي وقام بعمل اللازم ومشتاق للذهاب الي الكوافير
حتي يلاقي حبيبته وها هي المفاجأة
؟؟؟
اصيبت عروس بالعمى ليلة دخلتها عقب تعرضها لحرارة مكواة الشعر (الاستشوار) في محل الكوفيرة استعدادا لحفل الزفاف. وكانت العروس تلبس عدسة لاصقة تجميلية في عينيها اثناء وجودها لدى مصففة الشعر بهدف وضع اللمسات الجمالية النهائية لتبدو في أبهى حللها في ليلة العمر، الا ان حرارة المكواة المرتفعة اذابت العدستين داخل العينين ولم تفلح محاولات طبيب المستشفى الذي نقلت إليه في اسعافها لتفقد بصرها وتتحول الليلة المنتظرة الى حزن ولا أحد يعرف متى تكون نهايته.

(قصة حقيقية )

موضوع مؤثر فعلاً روبنا يحمينا من عدو الخير ويخفف علينا التجارب الشديدة
ماذا يفعل العريس ؟؟في هذا الموقف هل يكمل أم لا ؟؟

فلنقلب القصة .. ونعرف رأي الطرف الآخر

إذا أصيب العريس ليلة زفافه بعمى حيسي لا شفاء منه هل تقبل العروس به ؟؟

أضيف هذا التساؤل للأخوات أيضا لكي ما يجيبوا عليه

شيء صعب جدا ربنا ما يحطش حد في الموقف ده

نتكلم بشكل منطقي بعيد عن المثاليات


اول حاجة اكيد ان الفرح هيتاجل وهتشوف دكتور واتنين وعشرة يا اما تخف يا اما هيكون صليب وتشيله

ثانيا لو عريسها بيحبها اوي وعنده استعداد يستحملها بالشكل ده يبقي يكمل الجواز (واكيد ده هيكون يعد تفكير طويل لانه شيء مش سهل)

ولكن لو حس ان صعب عليه يعيش بالشكل ده يبقي طبعا هيكون كل شيء نصيب وعليها انها تستحمل مشيئة ربنا

وبردو ده شيء هيبقي مميت بالنسبة ليها

باختصار كده(كل واحد وحسب تفكيره وقدرته) اللي هيقدر يكمل يكمل واللي مش هيقدر خلاص ربنا يكون معاه

ومعاها


اسفة للاطالة

وده جرد رايي الشخصي

مهما كان بيحبها (شئ صعب علي الأنسان )
وممكن ناس تقول أذا كان مستحملش من دلوقتي فكان هيعمل ايه لو حصل كده
بعد الجواز وكويس عرفناه علي حقيقته
موضوع معقد وربنا يحمينا
بس انا ساعت بحس ان لو حد اتعرض لاقادر الله للشئ زي كده بيبقي محتاج حد يقف جنبه لأنه هيكون سيد قراره
وهل قراره هيستحمله الي الأبد ولا هيندم ؟ فالأول والأخر لازم لازم نخلي ربنا مرشدنا في الموضوع ده
لأنه فاحص القلوب والكلي وهو عارف بقدراتنا
مستني مزيد من أرأكم

صحيح يا نشات الموضوع معقد خالص


وياريت نسمع اراء بقية اخواتنا ونتبادل خبرات بعض

[/ميرسى نشات لطرحك المشكلة دى؟؟؟؟؟؟

انا هتكلم على وجهة نظرى انا بجد ومنتهى الامانه

لو اتحطيت فى الموقف دة

يا نشااااات الحب مش رومانسيه ولا كلمة حلوة
ولا رسايل ولا رنات

الحب اعمق من كدا بكتيير
اكيد انا لو فى مكانها هكمل مع الانسان دة
عارف ليه الانى حبيته وكمان حبيته اوى
ربنا بيحب يختبر عبيدة اوى اوى
الحب بيعمل كتير كتير اوى كمان
واكيد هو محتاجلى اكتر من اى وقت فات
ازاى اسيبه وهو محتاجلى ؟؟؟؟؟؟؟؟
الحب مواقف
وعلى فكرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اما فى حالة انى سيبته
هو هيعيش تجربه قاسيه
ومش بعيد تحبه انسانه تانيه وساعتها ارادة ربنا تتدخل

ويخف وساعتهاااااااااا انا بقى هندم وهندم اوى كمااااااااان

لن اتخلى عنه مهما كانت الظروف

لانى بحبه
لاوم يكون فى شدة عشان يبان الحب

معلش لو طولت بس لو انا مكانه

هاقف جنبه لحد مايخف ولو مخفش كفايه انى جنبه
ومسببتلوش اى جرح

اختكووووو

[COLOR="Magenta"]ارار COLOR]

ميرسى على الموضوع نشات

مرسي يا جماعة علي ردودكم
مرسي دينا عماد ارار فادي ومستني باقي الأعضاء
بصوا يا جماعة احنا مش بنقول المفروض نعمل ايه ولا مانعملش لأن الموقف هيكون شخصي بحت وقدرة احتمال للفرد
بالنسبة ليكي يا ارار حلو جداً كلامك بس برده ساعة القضاة مش عارف ايه كده
المهم ممكن يكون موقف الواحد ساعتها وتأثيرات خارجية ممكن تأثر عليه
وماذا لو رفض الطرف الأخر اكمال الأرتباط او الأب الكاهن أو ..........
عموماً انا مش بعقد الأمر ولا حاجة
وزي ما قولتلكم ربنا يبعد عنا كل التجارب الصعبة
بس بنكش في اراكم علشان يكون حوار ساخن

ربنا يبعد عننا التجارب إللى من النوع ده
أنا أعتقد إن كل واحد حسب شخصيته
وحسب حبه للطرف الاخر هيتصرف فى الموضوع
وكمان ماننساش الضغط إللى هيكون من أهله
إنه يسيب العروسة بالكلام إللى إنتوا عارفينه
إنت إيه إللى يجبرك إنك تأخد واحدة كده...
أكيد ربنا مش رايد خلاص سيبها للى يناسبها.....إلخ
بس أنا لو إتحطيت فى الموقف ده
لو بجد بحبه أكيد عمرى ما هسيبه
ودى مش مثالية لأ دا هو ده الحب الحقيقى
الحب إللى علشانه الانسان بيضحى زى ما
رب المجد علمنا فى حبه لينا

ايه الكلام الجميل ده يا تينا
بس لو اهلك رفضوا
طبعا بعد الشر علي كل ولاد المسيح

الموضوع ده مهم جدا جدا جدا وحاجه صعبهعلى اى انسان ان يستحملها وخصوصا ان يكون يوم الفرح ويحصل حاجه زى دى
ربنا يبعد تجارب عدو الخير عن ولاده
انا لو مكانها مسبهوش لو بحبه بجد اللى بيحب حد بجد وحقيقى لازم يواجه كل حاجه
عشان حبيبه ده
صلوا لاجلى كتير ان ربنا يكملى انا وخطيبى على خير بسبب بعض مشاكل جامده قوووووى
(sevo)

ربنا معاك sevo
ويبعد عنكم عدو الخير
ومتقلقش من حاجةالخلافات ديه هي توابل العلاقة والدنيا مش كلها رومانسية وحب
الواقع عكس كده ومن صفات الخطوبة المشاكل
انا اعرف اتنين كان فاضل عليهم اسبوع ويتجوزوه كان فاضل خطوة ويرميها من البلكونة
لكن تعالي اتفرج عليهم اسعد زوجين
صلوا انتم وربنا هيبارككم
(واعظ مبتدئ هاهاهاهاهاهاه ) طبعاً انا بشوف الكلام ده وانا اصلاً محتاج اللي ينصحني

لالالالالا يا نشاءت متقولش كدا على نفسك

بصراحة الموقف مؤثر جدا جدا... وخصوصا فى حالة الحب الشديدة دى

بس بردو الواحد بيفكر ازاى هيتعامل معاة فيما بعد واسندة وامشية
واجبلة كل حاجتة ولما اتكلم معاة على مكان معين فى الشقة اللى انا وهو رتبناها مع بعض ولا على صورة معينة ولا .... الخ اكيد هو هيحكى على كل شىْ معايا بالذكريات فقط ولكنة لم يرى اى شىْ معايا...
وخصوصا لما الناس مثلا تيجى تبارك هيقولولنا مثلا .... اللللة زوق الشقة جميل... زوق مين دى... ومين فيكم اختار دى... وطبعا المعروف ان كل الحاجات دى اخترناها قبل فقدان بصرة
وغيرها من مواقف هتواجهنا وسط المجتمع هتكون مؤلمة لية اكتر منى انا

وبكدا انا مش هقدر استحمل وضعة بالام داة..... فافكر انى اسيبة علشان مشوفش شريك حياتى متعذب كدا
وممكن اقول وانا لما اسيبة هيتعذب اكتر ...وهذا الشخص نفسة الذى انا احببتة من كل قلبى وانا لو اخدتة الناس هتقدر قيمة الحب اللى بينا ونصبح اكبر مثل للحب وهو مش هيكون متعذب ..... داة غير ان ربنا مش هينسالى النقطة دى عندة
معلش طولت عليكم بس الموضوع عايز نقاش وتخيل
بس بصراحة بصراحة الموضوع محيييييييييييير
ميرسى على الموضوع الهام داة

بص يا أيريني انا مش معاك في نقطة وهي
طالما الواحدة وافقت علي تكملة المشوار يبقي هتستحمل شوية ولو هو
تعب من المواقف المحرجة والمجرحة للمشاعر
عليها بقي انها تقف جانبه وتنسيه همه وآلامه
ماهو ده واجبها فور موافقتها علي الموضوع