لكل منّا كرامة وفي نفس الوقت له قلب فأي منهم أهم بحياتك


(قلبك) أم (كرامتك)


هل من المعقول أن نستغنى عن قلوبنا


للإحتفاظ بكرامتنا في سبيل ذلك


لماذا يبيع الصديق صديقه .. والحبيب حبيبته وغيرهم


وكل شخص أكيد صار له موقف من الحياة


سواءاً مع صديق أو حبيب أو زوج .. هذه هي الحياة ؟





!..! لم نجد سبباً لذلك !..!





صحيح أنه لابد أن تكون كرامة النفس فوق كل إعتبار


ولكن لماذا ولدت التضحية إذا كانت كرامة النفس هي المنتصره غالبـاً


أم هي مجرد كلمات نؤيد مضمونها ولكن بدون العمل بها


لنقف لحظة على بعض الجمل


هي موجودة في حياتنا ودائماً نرددها في موقف معين



لا ..


وإنما في حدث





خـــــــــــداع


خيـــــانـــــة


كــراهــيـــة


كــــــــــذب


ضـــعــــــف


هــزيــمــــة






!..! قــالــــــــــوا !..!




( من باعنا بعناه )



( إللي هواك إهواه .. وإللي نساك إنساه )



( الذي لا يعتبرك ربحاً .. لا تعتبره خسارة )



( الصديق وقت الضيق )






..::.. فكـــروا قليــــلاً ..::..




هل نستطيع حقاً تطبيق ذلك



فعندما نلتقي بصديقٍ مثلاً .. نثق به .. ونبوح له بمشاكلنا


ثم مع مرور الأيام نكتشف أنه لا يحبنا .. ولا يعتبرنا إلا خيال


في غيابه نسأل عنه .. وإن غبنا لا يسأل عنا


هل حقا نتخلى عنه .. لا أدري ..!



ايهما اهم كرامتك ام قلبك؟

ياريت الكل يشارك و يقول راية

موضوع جميل اوى يا ماننا ومهم جدا
بس الانسان بمواقفه عشان تعرفى تديله حدود او تقولى كرامتى
يعنى مثلا واحد دايما بيهينك او بيضايقك ساعتها ممكن تقولى كرامتى لانه شخص مش ينفع تضحى بكرامتك عشانه

وشخص تانى تكونى بتحبيه اوى ويستاهل التضحية ولو زعلك بتسامحى مرة واتنين وتلاتة
بس فى كتير يقولك ان فى الحب مفيش كرمة بس ممكن نقول بنسبة 50% الكلام ده بيحصل

موضوع قيم جدا ومستنيية اشوف باقى الاراء
ربنا يباركك حبيبتى ويكون معاكى فى امتحاناتك

موضوع جميل اوى يا ماننا ومهم جدا
بس الانسان بمواقفه عشان تعرفى تديله حدود او تقولى كرامتى
يعنى مثلا واحد دايما بيهينك او بيضايقك ساعتها ممكن تقولى كرامتى لانه شخص مش ينفع تضحى بكرامتك عشانه

وشخص تانى تكونى بتحبيه اوى ويستاهل التضحية ولو زعلك بتسامحى مرة واتنين وتلاتة
بس فى كتير يقولك ان فى الحب مفيش كرمة بس ممكن نقول بنسبة 50% الكلام ده بيحصل

موضوع قيم جدا ومستنيية اشوف باقى الاراء
ربنا يباركك حبيبتى ويكون معاكى فى امتحاناتك

يارب يخليكي يا جوجو مرسي بجد علي ردك الرائع وكلامك كلة صح

كلام جميل يا مانا
ربنا يبارك خدمتك

مرسي جدا باخوم وكويس ان الموضوع عجبك ربنا يباركك

شكراااااااااااااا مانا علي الموضوع الجميل ده
بس انا عندي كرامتي اهم

مرسي جدا منير علي الرد والاهتمام ربنا يباركك

كلام جميل جداااا يا mana

بس فى الحالة الى انتى بتكلمى فيها انا ليا رأى

ان ااحنا لازم نختار الآختيار الصح فى الى بنحبهم

كصديق أو حبيب

يعنى احنا نختارهم صح مش اى حد على طول

و فى الحالة اظن ان احنا هنكون كسبنا كرمتنا و قلوبنا

كلام جميل جداااا يا mana

بس فى الحالة الى انتى بتكلمى فيها انا ليا رأى

ان ااحنا لازم نختار الآختيار الصح فى الى بنحبهم

كصديق أو حبيب

يعنى احنا نختارهم صح مش اى حد على طول

و فى الحالة اظن ان احنا هنكون كسبنا كرمتنا و قلوبنا

الكرامة في الحب لازم تكون موجودة
لان لو حبيبتك بتحبك فعلا هي كمان هتحافظ علي كرامتك

مرسي جدا يا مينا علي المرور

هاى فكره الموضوع جميله جدااااااااا بس هاقولك حاجه الكرامه لها حدود والقلب كمان علشان يعيش له حدود يعنى مثلا لو حصل سوء تفاهم مع صديق عزيز عليه ايه المانه انى اعاتبه واشوف ليه كده بس لو لقيته مايستاهلش وماقدرش كرامتى يبقي نستغنى عنه لكن بالنسبه للحبيب لما بيجرح ويقول كفايه لحد هنا يبقي خلاص هو اختار مادام قدر يقول مش هانكمل تانى مع بعض يعنى قدر يستغنى وساعتها القلب تدريجيا هايتعامل مع الامر الواقع مهما كان صعب

موضوع جميل جدا
وانا بس عايزه اقول حاجه ان الحب والتضحيه وجهان لعمله وحده
الواحد لما بيحب حد سواء حب عاطفي او حب صديق او حتى حب حد قريب لينا
مجرد انك تشوفي ابتسامته هى كل الى يهمك
فالواحد بيضحي بحاجات كتير علشان يشوف الابتسامه دى
بس طبعا اول ما تحسى ان فيه مواقف كرامتك بدأت تتخبط على بابك
اعرفي علطول ان مقدار الحب ابتدأ يخف لغايه ما كرامتك هتعميكى
وطبعا الحب هيروح وحده وحده
بس طبعا اكيد الانسان فى حياته صديق وفي مهما حصل ومهما الظروف بتعمل فيكم
شكرا على الموضوع
ربنا يباركك

موضوع رائع ربنا يباركك ونشوف المزيد والجديد منك

انا اول مره اشارك في المنتدي وده اول موضوع اقراه بصراحه الموضوع جميل جدا بس انا لي تعليق لو تسمحولي اولا من ناحية الصديق لو احنا اخترنا الصديق او الصديقه بعناية اكيد مش هيكون في اي من المشاكل الي اتعرضولها في الرساله ولازم نفرق بين الصديق والمعرفه والزميل انا ممكن ده يحصل مع احد منهم ولاكن لو انا اخذت صديق او صديقه لي بعنايه وتحت خضوعي للصلاه وطلب من ربنا انه يدخل اكيد مش هيكون في مشاكل ومن ناحية الحبيب اولا لازم تكون في صلاه مستمره قبل ما اخد اي حد لي حبيب ولازم ادرس شخصيته كويس ولازم يكون المستوي العلمي والفكري والثقافي متقارب وبعد ما هتوفق فيه انا معتقدش ان هيكون في مشكل لان لو ده حصل اكيد كل واحد هيحترم التاني ويحاول يسعده وميفكرش لمجرد التفكير انه يزعله
انا اسف للأطاله وانا سعيد بانضمامي معاكم اخوكم / جون

مرحب بيك معانا يا جون منور المنتدى

والحقيقة ردك عجبنى جدا فعلا دى حاجة مهمة اوى كلنا بنغفل عنها
اننا قبل مانختار صديق او حبيب نصلى ونشوف ارادة ربنا ايه
هل ده اللى يستاهلنى ولا نو
ربنا يباركك ياجون ومستنيين المزيد من المشاركات الجميلة